Tionscadail
Tionscadail
Tacaíonn roinnt mhaith de thionscadail an Údaráis le Páirc na Mara. Cuireann an tÚdarás deiseanna taighde, oiliúna agus roinnt eolais ar fáil d’fhiontair trína rannpháirtíocht I gcláir trasnáisiúnta de chuid an AE, ar a n-áirítear cláir atá maoinithe faoi H2020 agus INTERREG, chomh maith le tionscadail agus gníomhaíochtaí eile atá urraithe ag an AE. Ar an réimse reatha tionscadal a bhainistíonn an ghníomhaireacht tá:
SW-GROW
Is tionscadal é SW-Grow atá maoinithe ag an AE agus tá sé dírithe ar thionscal na feamainne amháin sa Réigiún Fhorimill Thuaidh agus an Artaigh. Tá sé mar aidhm aige ceisteanna coitianta a aithint ar fud an réigiúin agus rochtain a thabhairt ar cheangail ardleibhéil T&F laistigh de chomhpháirtithe acadúla thar theorainneacha réigiúnacha agus náisiúnta chun píolótú a dhéanamh ar réitigh ar féidir iad a chur i bhfeidhm feadh an tionscail - agus ar an mbealach sin réitigh a fhorbairt trínar féidir teicneolaíochtaí a aistriú thar réimse an Chláir – rud a ghabhfadh chun tairbhe do FBManna go háirithe. Beidh leibhéil níos airde nuálaíochta agus iomaíochta mar thoradh ar sin i gceantair iargúlta ar bheagán daonra trí shamhlacha agus réitigh a éascaíonn aistriú teicneolaíochta chuig agus thar an cheantar Cláir a aistriú agus a fhorbairt.
Ar na torthaí dearfacha a mbeifear ag súil leo tá:
- Bunachar sonraí DNA de ghnéithe feamainne ó áiteanna difriúla sa réigiún.
- Bunachar sonraí de phróisis agus tháirgí bunaithe ar fheamainn mar bhonn do thionscnaimh brandála agus forbairt táirge.
- Feabhas a chur ar éifeachtúlacht áiseanna triomaithe agus próiseála áitiúla.
- Comhthiomsú ar an gcleachtas is fearr agus teicnicí do shaothrú ar scála beag go meánmhéid.
- Comhthiomsú ar an gcleachtas is fearr do rialáil.
- Comhthiomsú ar chnuasach oidhreachta ghrúpaí shainleasa feamainne, ar chomhlachtaí agus ar pháirtithe leasmhara eile leanúint le cómhargaíocht.
- Imeacht siompóisiam do FBManna chun táirgí feamainne a chur chun cinn agus a chur ar an margadh.
- Forbairt táirge agus tionscnaimh margaíochta.
EMPORIA4KT
Tá Eacnamaíocht Ghorm an AE ionadaíoch ar gach gníomhaíocht eacnamaíoch a bhaineann le haigéin, le réigiúnacha farraige agus cósta agus clúdaíonn sé réimsí ar nós iascach, longthógáil, turasóireacht agus fuinneamh aigéin. Cuireann an earnáil fostaíocht ar fáil do bheagnach 3.5 milliún duine san Eoraip faoi láthair, agus tá sé ag fás i gcónaí. Mar sin féin tá gá le hinfheistíocht i nuálaíocht chun deiseanna gnó nua a chruthú agus chun ár n-acmhainní aigéin agus farraige a bhainistiú ar bhonn inbhuanaithe. Tá tráchtálaíocht ar nuálaíochtaí teicniúla ina phríomhthiománaí ar fhás eacnamaíoch fadtéarmach, ach ní minic a bhaineann Teicneolaíochtaí ag an gCéim Luath [Early Stage Technologies (EST) ] a fhorbraítear trí thaighde acadúil an margadh amach. Tá ceangail níos fearr ag teastáil idir an lucht acadúil, gnó agus rialtas - earnálacha a mbíonn údair dhifriúla spreagtha acu go minic, chun fás inbhuanaithe a thiomáint san Eacnamaíocht Ghorm.
Cuirfidh EMPORIA4KT feabhas ar an gcomhoibriú idirnáisiúnta agus ar na sineirgí idir imreoirí an héilics triaraigh de lucht acadúil, gnó agus rialtas chun nuálaíocht agus iomaíochas a chothú le tacú leis an Eacnamaíocht Ghorm i limistéar an Atlantaigh. Déanfaidh an tionscadal amhlaidh trí thaighdeoirí a chumhachtú chun a n-aschur eolais agus a nuálaíochtaí a aistriú chuig earnálacha difriúla.
ACCESS2SEA
Is earnáil í an dobharshaothrú mara (iasc, sliogéisc, algashaothrú) atá chun cinn in Eacnamaíocht Ghorm Limistéar an Atlantaigh agus is traidisiún tábhachtach é i roinnt mhaith tíortha de chuid an AE agus atá suntasach thar chuid mhaith dá gcuid cóstaí. Ós rud é nach bhfuil ach 10% de bhia mara chósta an Atlantaigh ag teacht ó fhoinse an dobharshaothraithe tá an-deis ann méadú a chur ar tháirgeadh dhobharshaothraithe Limistéar an Atlantaigh ar bhealach inbhuanaithe agus is é sin an phríomhsprioc atá ag Access2Sea.
Tá an fhéidearthacht ag dobharshaothrú borradh a chur le forbairt eacnamaíoch agus le poist a chruthú go háirithe in earnáil an bhia mara trí shaothrú inbhuanaithe a dhéanamh ar na hacmhainní nádúrtha. Is príomhghné den eacnamaíocht ghorm sa réigiún ná feirmeacha inbhuanaithe nua a chruthú.
Cuireann Access2Sea feabhas ar mhealltacht chósta an Atlantaigh d’fhiontair bheaga agus mheánmhéide dhobharshaothraithe trí dheiseanna gnó a chumasú agus rochtain níos éasca agus inbhuanaithe a dhéanamh air. Is é an príomhchuspóir ná feabhas a chur ar shaothrú agus chothabháil acmhainní nádúrtha Limistéar an Atlantaigh:
- Trí na bacainní atá ann faoi láthair a oscailt suas.
- Trí tháirgeadh ar an talamh a éascú.
- Réitigh atá ann cheana agus réitigh nua a scaipeadh
- Tacaíocht a thabhairt d’fhiontair bheaga agus mheánmhéide dhobharshaothraithe, chun iad a neartú nó iad a mhealladh chuig an gceantar.
Déanann sé comhtháthú ar an gcur chuige margaidh agus forbairt na bhfiontar beag agus mheánmhéide trí thacú le:
- Infheistíocht tháirgiúil ghéineasach i bhfiontair bheaga agus mheánmhéide.
- Aistriú teicneolaíochta agus comhoibriú fhiontair-ollscoile a rachaidh i dtairbhe do FBManna.
- Forbairt gnó FBManna.
- Tacaíocht d’fhiontair shóisialta.
Oiliúint Mhara
Tá oiliúint agus uasoiliúint fhostaithe agus baill den phobal ag croílár luachanna an Údaráis. Táthar ag díriú níos mó ar uasoiliúint muirí, agus ritheadh go leor cúrsaí agus tá tuilleadh sceidealaithe le tarlú amach anseo. Seo thíos achoimre ar na cúrsaí a ritheadh le gairid:
- BIM – Ard-dioplóma sa Ghnó uisce
- Dearbhú Cáilíochta agus Cáilíochtaí Éireann Leibhéal 5 Tógáil báid
- Dearbhú Cáilíochta agus Cáilíochtaí Éireann leibhéal 5 Dobharshaothrú – Mórdhámachtain
- Loingseoireacht agus Seasmhacht
- Sábháilteacht agus Sláinte ag an Obair
- Táirgeadh Gorlainne Dobharshaothraithe
- Shellfish Ongrowing Operations
- Finfish Ongrowing Operations
- Seaweed Ongrowing
- Marine Engine Operations
Ár Lucht Tacaíochta
